15 кастрычніка 2021г. на базе ДУА «Гімназія г.п.Глуска» адбыўся другі этап рэспубліканскай алімпіяды па фінансавай пісьменнасці сярод навучэнцаў устаноў адукацыі.

Алімпіяда па фінансавай пісьменнасці праходзіць у Беларусі ўжо ў восьмы раз і стала за гэты час адным з найбольш маштабных мерапрыемстваў па павышэнні фінансавай пісьменнасці навучэнцаў.

Заданні алімпіяды ўключалі пытанні ў выглядзе тэстаў з варыянтамі адказаў па шэрагу ключавых тэм: асабістыя фінансы; наяўныя грошы; зберажэнні, уклады (дэпазіты); запазычанні; лічбавы банкінг; дзейнасць Нацыянальнага банка, манетная палітыка; страхаванне; падаткі і зборы; інвестыцыі, каштоўныя паперы; фінансавая матэматыка.

У другім этапе алімпіяды прыняў удзел 21 навучэнец з 6 ўстаноў адукацыі раёна: ДУА "СШ №1 ім. С.І.Грахоўскага г.п.Глуска", ДУА "СШ №2 г.п.Глуска", ДУА "Гімназія г.п.Глуска", ДУА "Заеліцкі НПК дз/с-сш", ДУА "Усцярхоўскі НПК дз/с-сш", ДУА "Завалочыцкі НПК дз/с-сш".

Пераможцамі алімпіяды сталі навучэнцы ДУА "Гімназія г.п.Глуска": Хутарцоў Кірыл - першае месца, Раговіч Кірыл - другое месца, Анцюшэня Валерыя - трэцяе месца.

ВІНШУЕМ ПЕРАМОЖЦАЎ!

Пераможцы другога этапа будуць прадстаўляць наш раён на трэцім этапе рэспубліканскай алімпіяды па фінансавай пісьменнасці, які адбудзецца 19 лістапада 2021г. Магілёве.